SONG 76
Tell Me How You De Feel
1. Tell me how you de feel,
When you tell people good news,
And you know say you de do
the work wey Jesus do.
When you give God your best,
E go help you do the rest.
You go get real peace of mind
when you de put God first.
(CHORUS)
We de happy, when we de preach,
As we de take our time de teach.
We no go stop to tell people
the things wey God go do.
2. Tell me how you de feel,
When you teach people Bible,
And the people learn the truth
say God go save their life.
But some no go want hear
this good news wey we de share.
But we know say we don do
the one wey we fit do.
(CHORUS)
We de happy, when we de preach,
As we de take our time de teach.
We no go stop to tell people
the things wey God go do.
3. Tell me how you de feel,
As Jehovah dey with you,
And because e still trust you,
E give you work to do.
Make we de try our best,
De help people put God first.
Make them choose God as their friend
before this work go end.
(CHORUS)
We de happy, when we de preach,
As we de take our time de teach.
We no go stop to tell people
the things wey God go do.
(Still check Acts 13:48; 1 Thess. 2:4; 1 Tim. 1:11.)