Watchtower ONLINE LIBRARY
Watchtower
ONLINE LIBRARY
Pidgin (West Africa)
  • BIBLE
  • PUBLICATIONS
  • MEETINGS
  • lff lesson 8 points 1-7
  • You Fit Be Friend of Jehovah

Video no dey for wetin you select.

Sorry, the video no go fit play.

  • You Fit Be Friend of Jehovah
  • Enjoy Life Now and Forever!—Study and Learn From Bible
  • Small Topic
  • Other Materials Like This One
  • LEARN MORE THINGS
  • WETIN THIS LESSON TEACH
  • LEARN OTHER THINGS
  • Choose Your Friends Well
    Enjoy Life Now and Forever!—Study and Learn From Bible
  • Wetin Bible Talk About Friendship?
    The Answer Wey Bible Give
Enjoy Life Now and Forever!—Study and Learn From Bible
lff lesson 8 points 1-7
Lesson 8. One man sitdown for bench and de look up.

LESSON 08

You Fit Be Friend of Jehovah

The One Wey They Print
The One Wey They Print
The One Wey They Print

Jehovah want make you really know who e be. Why? Jehovah want make you know the kind person wey e be, the way e de treat people, and wetin e want for you, so that you go fit be e friend. You fit believe say e dey possible make you be friend of God? (Read Psalm 25:14.) Wetin you fit do to be friend of God? Bible de answer this question and e still de show why Jehovah na the best Friend wey you fit ever get.

1. Wetin Jehovah want make you do?

“Make wuna come near God and God go come near wuna.” (James 4:8) Wetin this one mean? Jehovah want make you be e friend. E no easy for some people to believe say they fit be friend of God because they no fit see God. But Jehovah de use Bible tell us everything wey we need to know about the kind person wey e be, so that we fit be e friend. When we read Bible, e go make us be tight friends with Jehovah even though say we no fit see Jehovah.

2. Why Jehovah be the best Friend wey you fit ever get?

The love wey Jehovah get for you pass the love wey other people get for you. E want make you dey happy and e want make you pray make e help you anytime wey you need help. You fit “throw all [your] problem to [God] because e de care for [you].” (1 Peter 5:7) Jehovah always dey ready to support, comfort, and listen to e friends.—Read Psalm 94:18, 19.

3. Wetin Jehovah want make we do to be e friends?

Na true say Jehovah love everybody, “but e de make righteous person e tight friend.” (Proverbs 3:32) Jehovah want make e friends do wetin e like and run from wetin e no like. Some people feel say they no fit ever do all the good things wey God want make they do or run from all the bad things. But, Jehovah really understand us. If person really love Jehovah and de do wetin E want, Jehovah go make that person e friend.—Psalm 147:11; Acts 10:34, 35.

LEARN MORE THINGS

Learn more about how you fit be friend of Jehovah and why Jehovah be the best Friend wey you fit get.

4. Abraham na friend of Jehovah

Wetin Bible talk about Abraham (wey they still de call Abram) de help us understand wetin e mean to be friend of God. Read about Abraham for Genesis 12:1-4. And talk about this questions:

  • Wetin Jehovah tell Abraham make e do?

  • Wetin Jehovah promise Abraham?

  • Wetin Abraham do about wetin God say make e do?

5. Wetin Jehovah want make e friends do?

Some things dey wey we de like make our friends do for us.

  • Wetin be some things wey you like make your friends do for you?

Read 1 John 5:3, and talk about this question:

  • Wetin Jehovah want make e friends do?

If we want obey Jehovah, we go need to change the way we de behave or the kind person wey we be. Read Isaiah 48:17, 18, and talk about this question:

  • Why Jehovah want make e friends change some things for their life?

One man de give e work mate helmet for work to protect e head.

Our good friend go tell us things wey we go do to gain and protect ourself. Na so Jehovah de do for e friends

6. Things wey Jehovah de do for e friends

Jehovah de help e friends make they endure their problems. Play the VIDEO, and talk about the question for under.

VIDEO: Jehovah Don Do Plenty for Me (3:20)

  • How Jehovah help the woman for the video to endure the way e de feel bad and the bad things wey e de think about?

Read Isaiah 41:10, 13, and talk about this questions:

  • Wetin Jehovah de promise to do for all e friends?

  • You think say Jehovah fit be good Friend? Why you talk like that?

Picture: Tight friends de help each other. 1. One man de help another man to carry one big table. 2. One woman de tell another woman how e de feel. 3. One man de help another man to waka with walking stick because e de feel pain for e leg.

Better friend de help you when you need help. Na so Jehovah go help you too

7. If we want be friend of Jehovah, we go need to talk to Jehovah and listen as e de talk to us

When friends de talk to each other, this one de make them to be tight friends. Read Psalm 86:6, 11, and talk about this questions:

  • How we fit talk to Jehovah?

  • How Jehovah de talk to us?

Picture: 1. One woman de pray. One arrow on top e head de face up. 2. One woman de read Bible. One arrow on top e head de face down.

We de talk to Jehovah for prayer, and Jehovah de use Bible talk to us

SOME PEOPLE DE TALK SAY: “Person no fit be friend of God.”

  • Which Bible verse you fit use to show say we fit be friends of God?

WETIN THIS LESSON TEACH

Jehovah want make you be e friend and e go help you to be e friend.

Wetin You Don Learn

  • How Jehovah de help e friends?

  • Why Jehovah want make e friends change some things for their life?

  • You think say e hard to be friend of Jehovah? Why you answer like that?

Wetin You Fit Plan to Do

LEARN OTHER THINGS

Wetin you fit gain if you be friend of God?

“You Go Gain When You Know Jehovah” (The Watchtower, February 15, 2003)

Learn how you fit be friend of God.

“How I Fit Be Friend of God?” (Questions Young People Ask —Answers That Work, Volume 2, chapter 35)

Learn why one woman feel say e life better when e be friend of Jehovah.

“I No Want Die!” (The Watchtower No. 1 2017)

Hear wetin young people de talk about how them de feel about Jehovah.

Wetin E Mean to Be Friend of God? (1:46)

    Publication for Pidgin (West Africa) (2017-2026)
    Log Out
    Log In
    • Pidgin (West Africa)
    • Share
    • How You Want-Am
    • Copyright © 2025 Watch Tower Bible and Tract Society of Pennsylvania
    • Wetin You Go Do and Wetin You No Go Do If You Want Use This Website
    • How We De Handle Information for This Website
    • Privacy Settings
    • JW.ORG
    • Log In
    Share