WHEN YOU DE START DISCUSSION
LESSON 2
Start the Discussion for Normal Way
Advice: “Word wey person talk for correct time really dey good!”—Prov. 15:23.
The Thing Wey Philip Do
1. Watch the VIDEO, or read Acts 8:30, 31. Then think about this questions:
How Philip start the discussion?
Why the way Philip start the discussion with the man dey normal and open way for Philip to teach the man new thing?
Wetin We Learn From Philip?
2. If we allow the discussion to start for normal way, the person wey we de talk to go fit relax and e go ready to listen to our message.
Copy Philip
3. De notice things around you. The way person do im face and the way e do im body fit tell you plenty things about the person. The person ready to talk with you? You fit start to talk about something from Bible with the person if you just ask say, “You know say . . . ?” No force person to talk when e no want talk.
4. Dey patient. No feel say you must start to talk about Bible quick-quick. Wait for the correct time so that you go fit talk about Bible as una de discuss de go. Sometimes, this one fit mean say you need to wait until the next time wey you go talk with the person.
5. Dey ready to change your topic. The person fit start to talk about something wey you no expect. So dey ready to talk wetin dey important to the person, even if this one mean say you go need to change the topic to another one wey dey different from the one wey you don prepare.