Dey Patient

The Thing Wey Jesus Do

VIDEO: Jesus Dey Patient as E De Help Im Brother

1. Watch the VIDEO, or read John 7:​3-5 and 1 Corinthians 15:​3, 4, 7. Then think about this questions:

1. Wetin the brothers of Jesus first do about im message?

2. Wetin show say Jesus no tire to help James im brother?

Wetin We Learn From Jesus?

2. We need to dey patient because e de take long time for some people to accept the good news pass other people.

Copy Jesus

3. Try another style. If the person first talk say e no want Bible study, make you no force-am. When e dey okay, use video or our books to help the person understand how we de help people study Bible and how e go fit gain.

4. No compare people. Each person dey different. If your family member or person wey be your return visit no gree study Bible or no gree accept something wey Bible de teach, think about why e be like that. The person get strong belief for something wey im religion de teach? E family people or neighbors de tell-am make e no listen to the good news? Make you give the person time to think about wetin you don talk and to show say e really like wetin Bible talk.

5. Pray about the person wey want learn from Bible. Beg Jehovah make e help you continue to get hope and use sense. Pray to Jehovah make e give you deep sense to know when to stop to check person wey de show say e no really like the message.—1 Cor. 9:26.