Give Jehovah Wetin You Get

How we fit give Jehovah wetin we get? (1Ch 29:5, 9, 14) For down, we write the different-different way, wey we fit contribute to support Jehovah work, for the whole world and for our congregation.

CONTRIBUTIONS WEY WE USE INTERNET MAKE AND THE ONE WEY WE PUT FOR CONTRIBUTION BOX, DE SUPPORT:

• 

  WORLDWIDE WORK

  to build branch office, remote translation office and take care of things for there

  for theocratic schools

  to care for special full-time servants

  to help brothers wey things like heavy breeze and water don scatter their property

  to print, make videos, and to put books, magazines and other things for our website

• 

  LOCAL CONGREGATION EXPENSES

  for things wey congregation de use, like light, water and to repair Kingdom Hall

  anything wey the congregation don gree say they go give branch for:

  • Kingdom Hall and Assembly Hall construction for the whole world

  • the Global Assistance Arrangement

  • other things wey our brothers for the whole earth de do

CONVENTION AND ASSEMBLY

We de use contributions wey we de make for convention support worldwide work. And when we need to use money for regional convention, special assembly and international convention, we de take-am from worldwide work.

We de use the contribution wey we de make for circuit assembly for anything wey concern the circuit. For example, to rent things wey we need for the circuit assembly and to maintain the assembly hall. If money remain, the circuit fit decide to put-am for worldwide work.