Use Videos Teach Your Bible Students

Things like picture, video and maps de help people fit put mind for wetin we de teach them. E still de help them understand and remember wetin we teach them. Jehovah use this kind things teach important lesson. (Ge 15:5; Jer 18:1-6) Even Jesus use-am teach people. (Mt 18:2-6; 22:19-21) For some years now, video don really help us teach people. You de use video well when you de teach your Bible students?

We don do ten videos wey they go help us teach the lesson for the brochure, God Get Good News for You! The title of each video match one of the question wey they write with thick black color for each topic. The Good News brochure for jw.org get link wey e de help us remember when we go show each video. Another thing na say, we still get other videos wey we fit use teach Bible lessons from other books for our Teaching Toolbox.

You de discuss topic wey e hard your student to understand? Your student de face problem wey e de test e faith? Find video for jw.org® and JW Broadcasting® wey e fit help your student. You and your student fit watch one of the video together and discuss-am.

We de release new video each month. As you de watch them, de think about how you go use them teach people.