Jehovah Love Clean People

Plenty papa and mama de teach their children how to dey clean. They go tell their children say: “Wash your hand, clean room, sweep house, and put dirty for dust bin.” But the truth na say this things wey papa and mama de teach their children say make them dey clean, come from God. (Ex 30:18-20; De 23:14; 2Co 7:1) When our body and property dey clean, we go make Jehovah glad. (1Pe 1:14-16) What of our house and compound? We no be like people wey de trowey things anywhere. As we be servants of Jehovah, we de make sure say this earth dey clean. (Ps 115:16; Re 11:18) Even small things like how we de trowey sweet paper, mineral can, chewing gum paper, fit show whether we really dey clean. For everything wey we de do, we de show say we be servants of God!​—2Co 6:3, 4.

MAKE WUNA WATCH THIS VIDEO GOD LOVE CLEAN PEOPLE, AND AFTER, MAKE WUNA ANSWER THIS QUESTIONS:

• Which reason some people fit give say na e make them no clean their things?

• How the law wey Jehovah give Israel people show how Jehovah de feel when person no dey clean?

• How we fit make people praise Jehovah even when we no preach to them?