Make Your Preaching De Better​—De Adjust Your Preaching Style

WHY E DEY IMPORTANT?: The anointed and the other sheep de invite all kind of people make them come “take life water” for free. (Re 22:17) This life water mean everything wey Jehovah don arrange to free people wey de obey e word from sin and death. If we want make the different-different kind of people wey we de preach to, accept the good news no matter their culture or religion, the way we de preach must touch their heart.—Re 14:6.

HOW YOU GO DO-AM:

• Choose topic and Bible verse wey go touch the heart of people for your territory. You fit use the example for Life and Preaching workbook or any style wey you don use before and e work. Which topic and Bible verse people de really like? Any new thing happen for your area wey people de think and talk about? Which topic man go like and which one woman go like?

• Talk with people and greet them as them de do for your territory.—2Co 6:3, 4

• Make you sabi the books and videos wey dey inside our Teaching Toolbox so that you go know the correct one wey you go give person wey listen

• Download videos and book for the language of the people wey you de meet for your territory

• Make you de adjust your topic to match the condition of people for your territory. (1Co 9:19-23) Wetin you go talk if you hear say e never tey wey the friend or family member of the person wey you de preach to, die?

MAKE WUNA WATCH THE VIDEO, AND AFTER, MAKE WUNA ANSWER THIS QUESTIONS:

• Which topic the publisher use start the preaching?

• Which problem the person wey e de preach to, de get?

• Which of the Bible verse good pass to read for am, and why?

• How you de adjust your preaching style to touch the heart of people for your territory?