Wetin You Fit Learn From Our Original Songs?

Which of our original song you like pass? And why you like-am? You think say the music-video de show things wey concern everyday life? As na different-different topic and music style dey the songs, everybody fit enjoy them. But, the songs and music-video no be only for enjoyment.

All the original songs de teach us something wey we fit use for our life and preaching work. Some songs de talk about how to get open-hand, how we fit dey as one, how we fit be good friend, how we fit get strong heart, show love and get faith. Other songs de talk about how person wey don leave Jehovah, fit come back, why e good make we de forgive, how we fit de do things wey go make Jehovah happy everyday, and how we fit do more for the work of God. We still get original song wey concern how we fit reduce the time wey we de use our phone. Which other things you don learn from original songs?

WATCH THE ORIGINAL SONG VIDEO E NO GO TAKE LONG TO HAPPEN, AND AFTER MAKE WUNA ANSWER THIS QUESTIONS:

• Which blessing for Paradise the old husband and wife think about?—Ge 12:3

• How we fit make our faith strong say Jehovah fit do the things wey e promise us?

• Wetin Jehovah go soon do to bring friends and family together again?

• How the blessing wey we go enjoy for Paradise de help us endure problem now?—Ro 8:25