You Fit Use Your Time and Power Support Jehovah Work?

As prophet Isaiah talk, the part of Jehovah organization for this earth de grow pass before. (Isa 54:2) Because of this one, we need to build more Kingdom Hall, Assembly Hall, and branch office. After we don build them, we go need to maintain them and even renovate some of them as time de go. When this kind work dey, how you fit use your time and power support the work?

• When e reach the turn of your field service group to clean the Kingdom Hall, make you join for the cleaning

• When your congregation get training for how to care for Kingdom Hall, make you join them

• Make you fill Local Design/​Construction Volunteer Application (DC-50) form so that anytime wey construction or maintenance work dey near you, them fit call you

• You fit still fill the Application for Volunteer Program (A-19) form and volunteer to work for one week or more than one week, for Bethel or other place wey our branch de use

WATCH THE SHORT PART OF THE VIDEO THE NEW PLACE WEY WE DE PLAN TO BUILD, AND AFTER, MAKE WUNA ANSWER THIS QUESTIONS:

• How we don de use video pass before since 2014?

• Wetin we de plan to do so that we go fit de produce more videos, when we go start the project and when e go end?

• How brothers and sisters fit join for the construction work?

• If you go like help for the construction work for Ramapo, why you suppose fill DC-50 application form and help when Local Design/​Construction get construction work near you?

• Wetin de show say na Jehovah de direct this work?

• If you no de live for United States, or your condition no allow you join for the construction, how you fit support the project?