When We Support the Way Jehovah De Discipline E People, We De Show Love

The arrangement to disfellowship person wey no gree repent, na protection for the congregation and way to discipline the person. (1Co 5:6, 11) When we support this discipline from Jehovah, we de show love. True-true, disfellowship de cause pain for all the people wey e concern, whether na family members or the committee wey handle the case. So, how e be say disfellowship na sign of love?

Number one, e de show say we love Jehovah, we no want spoil e name, and we respect wetin good for e eye. (1Pe 1:14-16) Number two, e show say we love the person wey they disfellowship. Even though say disfellowship de pain, e fit make the person repent, and get peace and friendship with Jehovah again. (Heb 12:5, 6, 11) If we de do things with person wey they disfellowship or person wey don decide say e no want be Jehovah Witness again, we de block the discipline wey Jehovah de give the person. No forget say, Jehovah de give e people the ‘correct amount’ of discipline wey they need. (Jer 30:11) So, make we continue to support the way Jehovah de discipline e people. Make we continue to make our friendship with Jehovah strong. And de pray make the person repent and come back to Jehovah our papa, because e de forgive.—Isa 1:16-18; 55:7.

WATCH THE VIDEO USE ALL YOUR MIND HOLD JEHOVAH TIGHT, AND AFTER, MAKE WUNA ANSWER THIS QUESTIONS:

• 

  How papa and mama de feel when their pikin leave Jehovah?

• 

  How people for congregation fit support the family members of person wey leave Jehovah?

• 

  Which story for Bible show why e dey important make we love Jehovah pass our family?

• 

  How we fit show say our love for Jehovah strong pass our love for family?