Papa and Mama, Teach Your Children Wetin They Need to Know

For this world wey we dey, people de see good thing as bad thing and bad thing as good thing. (Isa 5:20) This one de make some people do things wey Jehovah hate, things like man wey de sleep with man and woman wey de sleep with woman. For school and other place, people fit de try to make your children join them de do bad things. How you fit help your children know wetin them go do when this kind thing happen?

Teach your children how Jehovah want make we live our life. (Le 18:3) As them de grow, teach them small-small wetin Jehovah talk about sex. Depending on their age, teach them wetin they fit understand. (De 6:7) Ask yourself say: ‘I don teach my children how they go behave when boys and girls dey together? Why e dey important make them de dress well? And why e dey important make them no allow other people see or touch their body? My children go know wetin they suppose do if person want show them picture or film of naked people? They go know wetin to do if person want make they do wetin Jehovah hate?’ When you teach your children wetin to do before anything happen, they no go enter trouble. (Pr 27:12; Ec 7:12) When you teach your children, you de show say you love them and say they be gift from Jehovah.—Ps 127:3.

WATCH THE VIDEO BUILD FAMILY WEH E STRONG—PROTECT YA PIKIN THEM FROM ‘BAD THING,’ AFTER, MAKE WUNA ANSWER THIS QUESTIONS:

• 

  Why e de hard some papa and mama to teach their children about sex?

• 

  Why e dey important make papa and mama train their children “the way wey Jehovah want”?—Eph 6:4

• 

  Which things Jehovah organization don make wey fit help papa and mama teach their children about sex?—w19.05 12, box

• Why e dey important make you de always talk with your children before problem come?