Jehovah Don Arrange E People to Preach to Everybody

Just as Jehovah arrange the people of Israel, na so e still de arrange e people today so that they fit do the preaching work. All the branch office, circuits, congregations, and field service groups wey we get, de work together so that we fit preach the good news. We de preach to everybody even people wey de speak another language.—Re 14:6, 7.

You don think-am whether you fit learn another language so that you go use-am help people learn the truth? Even if you no get time to learn another language, you fit use JW Language app learn simple way to preach. After you use-am, you go feel the way the apostles feel for Pentecost. When people wey de speak another language hear the good news about God for their own language, they really happy and this one make the apostles happy.—Ac 2:7-11.

WATCH THE VIDEO MAKE JEHOVAH YOUR FRIEND—USE ANOTHER LANGUAGE PREACH, AND AFTER, MAKE WUNA ANSWER THIS QUESTIONS:

• 

  When you fit use JW Language app?

• 

  Which things you fit see for the app?

• 

  Which different language people for your territory de speak?

• Wetin you go do if you meet person for preaching wey like our message but wey de speak another language?—od 100-101 ¶39-41