Help Your Bible Students Make They No Follow Bad Friends

To be Jehovah friend, our Bible students must choose good friends. (Ps 15:1, 4) Good friends go help them to de do good things.—Pr 13:20; lff lesson 48.

When you de help your Bible students make they no follow bad friends, do-am with love. E fit hard them to leave the friends wey they get before they start to study Bible. So show say you care about them even the days wey you no de study Bible with them. This one mean say you fit send them text message, call them, or even visit them. As your students de progress, you fit invite them to join you spend time with other brothers and sisters for congregation. This one go help them see say the things wey them de gain plenty pass wetin they leave as them start to study Bible. (Mr 10:29, 30) You too go happy as you de see say more people de join Jehovah family.

WATCH THE VIDEO HELP YOUR BIBLE STUDENTS MAKE THEY NO FOLLOW BAD FRIENDS, AND AFTER, MAKE WUNA ANSWER THIS QUESTIONS:

• Which kind friend be bad friend?—1Co 15:33

• How Jade be think say get-together with brothers and sisters for congregation go be?

• How Neeta help Jade leave bad friends and get good ones?