Prepare Yourself Now In Case of Emergency

Why e good to prepare? Emergency fit happen wey fit make person go hospital or stay for hospital for some time. So, before that kind thing happen, e go good make you do your best now to use the things wey our organization don arrange for us so that when that kind time come, you go fit get the best treatment. If you do like that, e go show say you value life and you de respect Jehovah law wey concern blood.​—Ac 15:​28, 29.

Wetin you fit do to prepare?

• Pray well and take your time to fill the durable power of attorney (DPA) card.a Publishers wey don baptize fit collect DPA card from the literature servant and collect Identity Card (ic) for their small-small children

• If you get belle, ask your elders make them give you one copy of Information for Expectant Mothers (S-401). This document go help you make better decision about the treatment wey you go take in case anything happen as you get belle and when you want born

• If you go receive treatment wey concern blood or you go stay hospital, quick tell your elders. E go good make you still tell the hospital say you go like make minister of Jehovah Witness come visit you

How elders fit help you? They fit help you fill your DPA card. But elders no go make decision about the kind treatment wey you go take. Them no go talk put for matter wey everybody get right to choose for e self. (Ro 14:12; Ga 6:5) If you tell the elders for your congregation when you get any condition wey go make them decide to give you blood, they go quickly help you call the Hospital Liaison Committee (HLC).

How HLC fit help you? The HLC brothers na people wey them don train to help doctors and lawyers understand wetin Jehovah Witness people believe about blood. They fit follow your doctor discuss other ways to treat person without blood. They fit still help you find doctor wey ready to treat you without blood if need dey.

WATCH THE VIDEO HOW WE FIT MAKE DECISION ABOUT THE KIND TREATMENT WEY WE GO TAKE WEY CONCERN BLOOD, AND AFTER, MAKE WUNA ANSWER THIS QUESTIONS:

• Wetin you learn from this video wey fit help you prepare yourself now in case something happen wey concern blood?

  Your answer