DE LIVE CHRISTIAN LIFE
Try to Know How God De Think
We want make Jehovah happy for everything wey we de do. (Pr 27:11) For us to fit do this one, we need to make decision wey go show say we know the way Jehovah de think. And we go need to fit do this one even for matter wey no get direct command. Wetin fit help us do that one?
Arrange time to always de study Bible. Anytime wey we study Bible, e de be like say we de spend time with Jehovah. We fit learn how Jehovah de think when we read about the way e de do things with people and when we study the examples of people wey do good and wey do bad for e eye. When we want decide wetin we go do, holy spirt go help us remember important lesson and the advice wey we don learn from Bible.—Joh 14:26.
De do research. When you want make decision, ask yourself say, ‘Which Bible verse or Bible story fit help me understand how God de think for this kind matter?’ Pray make Jehovah help you and use all the things wey Jehovah organization don give us to do research for your language. This one go help you find Bible advice wey you fit use.—Ps 25:4.
WATCH THE VIDEO WE MUST “ENDURE AS WE DE RUN”—CHOP BETTER FOOD, AND AFTER, MAKE WUNA ANSWER THIS QUESTIONS:
Wetin them want force this young sister to do as we see for the video?
How you fit use the things wey our organization don give us to do research when you de face this kind problem?
How we de gain when we take time do research and Bible study wey fit help us make good decision?—Heb 5:13, 14