Wetin You Fit Plan to Do for Memorial Season

Every year, Jehovah people de happy to attend Memorial together. For the week before and after the Memorial, we de use this special opportunity to praise and thank Jehovah as Jesus die for us. (Eph 1:3, 7) For example, we de do our best to invite other people come the Memorial. Some brothers and sisters de adjust their time so that they go fit do auxiliary pioneer for 30 or 50 hours for the month of March and April. You go like do more for preaching for this Memorial season? Wetin fit help you succeed?

Most times, we de fit do more when we first plan before we do wetin we get for mind. (Pr 21:5) As the Memorial season de come, e go good make we start to de plan now. Think about how you fit do more for preaching for the Memorial season, and decide wetin you need to do make your plan succeed. Then beg Jehovah make e bless wetin you don decide.—1Jo 5:14, 15.

You fit think of some ways wey you fit do more for Memorial season?