FINE-FINE LESSON FROM BIBLE

The Pain Wey De Come When We No De Obey

Some Israel people marry women wey de worship idol (Ezr 9:1, 2; w06 1/15 20 ¶1)

They no gree obey Jehovah command (Ezr 9:10-12)

Because they no obey, they bring pain and suffer-suffer to theirself and their family (Ezr 10:10, 11, 44)

One sister wey marry person wey no be Witness, wey don get baby, de think about the better life wey e get the time wey e de put body for Jehovah work. One small tray wey cigar dey inside dey on top the table wey dey e front. E husband wey don drink de sleep for chair.

All the commandment wey Jehovah de give us na for our own good. (w09 10/1 10 ¶6) To de obey go protect us and make us get plenty blessing wey no go end for future.

ASK YOURSELF SAY, ‘How the way I de obey Jehovah don protect me from pain and suffer-suffer wey fit happen when person no de obey?’