You Fit Help Your Family to De Happy More-More

Jehovah want make family de happy. (Ps 127:3-5; Ec 9:9; 11:9) But we fit no dey happy because of the stress wey dey this world and the mistake wey our family de do. Wetin everybody for family fit do to make the family de happy more-more?

Husband de honor e wife. (1Pe 3:7) E de spend time with-am. E no de expect too much from e wife and e de show say e really like the things wey e wife fit do for-am and for the whole family. (Col 3:15) E de show say e love e wife and e de praise-am.—Pr 31:28, 31.

Wife de always look for how to support e husband. (Pr 31:12) E de put e self under e husband and e de cooperate with-am. (Col 3:18) E de talk to e husband for kind way and e de talk good things about-am.—Pr 31:26.

Papa and mama de spend time with their children. (De 6:6, 7) Them de tell their children say they love them. (Mt 3:17) When them de correct their children, them de use sense and de show love.—Eph 6:4.

Children de honor and obey their papa and mama. (Pr 23:22) Them de let their papa and mama know wetin them de think and how them de feel. Them de allow their papa and mama correct them and them de respect them.—Pr 19:20.

WATCH THE DRAMA GET JOY FOR YOUR FAMILY, AND AFTER, MAKE WUNA ANSWER THIS QUESTION:

• Wetin each person do to help the family de happy more-more?