DE LIVE CHRISTIAN LIFE

Help People Wey No Believe God to Fit Know-Am

E de hard you to preach to people wey no believe God because you de think say them no go listen to you? If na so, remember say many people wey no believe God, even people wey be atheist before don become Jehovah Witness. Many times, wetin this kind people need na person wey go help them, so that them go fit see proof say God really dey.—Ro 1:20; 10:14.

WATCH THE VIDEO REMEMBER SAY PEOPLE WEY NO GET FAITH FIT GET-AM!—PEOPLE WEY NO KNOW JEHOVAH, AND AFTER, MAKE UNA ANSWER THIS QUESTIONS:

How Tommaso experience don help you so that you go fit de preach to people wey no know God?

Your answer

How you go do-am

If person show say e no believe God, dey kind, respect-am, and show-am say you really want know why e de feel like that. (2Ti 2:24) Discuss other topics wey e go really like. The person dey ready to talk about the proof wey don help many people believe say God dey? If na so, use our books and videos wey them don arrange to fit help this kind people. Them don add the two brochure wey be Was Life Created? and The Origin of Life—Five Questions Worth Asking for our Teaching Toolbox so that e go dey easy to find-am.

For the first time, you fit fear when you think about how you go preach to people wey no believe God. Why you no ask publisher wey don get experience make e help you? Still remember say, Jehovah fit help you so that you go fit help people wey really want know more, even if them no first believe say God dey.—Ac 13:48.