Two Kings for the Time of the End Wey No De Agree With Each Other
Some of the prophecies wey they talk about for this box happen the same time. All of them show say we de live for “time when the end don near.”—Dan. 12:4.
Bible verse Rev. 11:7; 12:13, 17; 13:1-8, 12
Prophecy The big wicked animal” don de rule people for more than 3,000 years now. For the time of the end they wound the number seven head wey the animal get. After, the head well again and “the whole earth” follow the animal. Satan de use that animal to “fight war with the rest” people wey Jehovah get.
How e happen After the heavy rain for time of Noah, different-different government wey be enemy of Jehovah don rule people. After more than 3,000 years, for World War I, one of this powerful government wey be Britain no come get power again like before. E strong again when e join with America. Especially for the time of the end, Satan de use all government for this earth to suffer servants of God
Bible verse Dan. 11:25-45
Prophecy For the time of the end, the king of the north and the king of the south de struggle with each other to get more control.
How e happen Germany struggle with Britain and America. For 1945, Soviet Union and other countries wey e de get support from, come be the king of the north. For 1991, Soviet Union fall. And after, Russia and other countries wey e de get support from, come be the king of the north
Bible verse Isa. 61:1; Mal. 3:1; Luke 4:18
Prophecy Jehovah send e “messenger” make e “clear road” before the Kingdom under Jesus Christ start to rule. The “messenger” start to “tell good news to humble people.”
How e happen From 1870, C. T. Russell and e friends really study hard to explain the truth for Bible. For 1881, they see say e really dey important for servants of God to preach. They print articles like “Wanted 1,000 Preachers” and “Anointed to Preach.”
Bible verse Matt. 13:24-30, 36-43
Prophecy One man plant wheat for farm, then one enemy plant useless plants for that farm. The useless plants grow, and e cover the wheat. For time of harvest, they come separate the useless plants from the wheat.
How e happen From 1870, the way true Christians different from lie-lie Christians come de clear more-more. For time of the end, they gather true Christians and separate them from lie-lie Christians.
Bible verse Dan. 2:31-33, 41-43
Prophecy Na one image wey they make with gold, silver, copper and iron, get the feet wey they make with iron and clay.
How e happen The clay na the common people wey Britain and America de rule, but this people no de gree for them. Because of this people, this governments no fit use all their power well.
Bible verse Matt. 13:30; 24:14, 45; 28:19, 20
Prophecy They gather “the wheat” enter inside the “storehouse” and they choose “the faithful and discreet slave” make e de care for the “whole house.” People begin preach the “good news about the Kingdom for everywhere for this earth.”
How e happen For 1919, God choose the faithful slave to care for e people. From that time, the Bible students start to preach more-more. Today, Jehovah Witness people de preach for more than 200 land and de produce publications wey de explain Bible for more than 1,000 language.
Bible verse Dan. 12:11; Rev. 13:11, 14, 15
Prophecy One big-wicked animal with two horn tell people for the earth make they make “image for the big-wicked animal” and e give “life to the image.”
How e happen Na Britain and America start to form the League of Nations. Other countries support this organization wey them de call League of Nations. From 1926 to 1933, the king of the north na still member for the League of Nations. Like the United Nations (UN) wey come after League of Nations, people believe say the League of Nations go fit bring peace; but this one na something wey only the Kingdom of God go fit do.
Bible verse Dan. 8:23, 24
Prophecy One king wey e face de make people fear “go really destroy plenty things.”
How e happen Britain and America don kill plenty people and don destroy plenty things. For example, for World War II, America drop two powerful bombs for one country wey be enemy of Britain and America. This two bombs kill people and destroy plenty things pass any other bomb wey they don use before that one.
Bible verse Dan. 11:31; Rev. 17:3, 7-11
Prophecy The red wicked animal with ten horn come out from one deep pit and na the number eight king e be. The book of Daniel talk say this king na “the dirty thing wey de cause destruction.”
How e happen The League of Nations stop to work for World War II. After the war, United Nations “replace-am.” Just as people believe say na the League of Nations go fit bring peace and no be the Kingdom of God, na the thing wey they still believe about United Nations. United Nations go attack religion.
Bible verse 1 Thess. 5:3; Rev. 17:16
Prophecy The nations talk say “peace dey and fear no dey”; “the ten horns” and the “big-wicked animal” attack “the prostitute” and destroy-am. After that one, they destroy the nations.
How e happen The nations go claim say they don bring peace for the world and the world dey safe. Then the nations wey de support United Nations go destroy lie-lie religions. This one go be the start of great tribulation. Great tribulation go end when Jesus go destroy the remaining part of this wicked world for Armageddon.
Bible verse Ezek. 38:11, 14-17; Matt. 24:31
Prophecy Gog attack the land of God’s people. Then, the angels go gather the ‘people wey God don choose.’
How e happen The king of the north and other governments go attack servants of God. After this attack don start, they go gather the remaining anointed ones go heaven.
Bible verse Ezek. 38:18-23; Dan. 2:34, 35, 44, 45; Rev. 6:2; 16:14, 16; 17:14; 19:20
Prophecy ‘The person wey sitdown’ for ontop “white horse” “win finish” when e destroy Gog and e army. They go throw “the big-wicked animal” inside “the big fire” and one stone go destroy the big image.
How e happen Jesus wey be the King of God’s Kingdom go save servants of God. Jesus, the 144,000, and the angels go destroy all the nations wey attack servants of God. Na this one go be the end of this wicked world wey Satan de control.