How To Study

You de like to read the life story of our brothers and sisters?

One husband and wife wey de use every morning read the story of our brothers and sisters talk say: “The story don really encourage and make us happy! Them de teach us say we too fit serve Jehovah well no matter the problem wey we de face.” Another sister wey feel like this husband and wife write say: “This life story de comfort, encourage and de make me happy. The life wey our brothers and sisters de live na better life. Their story de encourage me to do my best for the preaching work and e don still help me to fit train my children to love full-time service.”

When you read life story of our brothers and sisters, e go encourage you to get plan for Jehovah work, help you correct your mistake and you go fit endure any problem wey you de face and still de happy. Where you fit see this life story read?

• Go jw.org or JW Library® and look for “Life Stories of Jehovah’s Witnesses.” (For English.)

• You fit still check Watchtower ONLINE LIBRARY^™ or Watchtower Library and look for “Life Stories of Jehovah’s Witnesses.” (For English.)