How To Study

Wetin You Go Study First?

Because we get plenty things to do, we no de get plenty time for personal study. So how we go fit use the small time wey we get, well? The first thing be say, no rush when you de read. You go gain more when you read small thing and study-am well, instead to rush read plenty things.

Then choose the one wey dey important pass wey you go read. (Eph. 5:15, 16) See some example of things wey you fit do:

• Read Bible everyday. (Ps. 1:2) You fit start with the Bible reading program wey we de use for our midweek meeting every week.

• Prepare for Watchtower Study and the midweek meeting. And always ready to answer questions.—Ps. 22:22.

• Still try read other book them, articles and watch videos wey dey jw.org.

• Do research and study about some topic wey you like well-well. You fit do research about problem wey you de face, or some topic for Bible wey you go like know more.