Learn From the Pictures

Our publications get many pictures wey de teach us important points. How you fit learn plenty things from this pictures?

• Look the pictures before you start to read any article. The pictures fit make-am hungry you to read the article. Just as when you see better food for plate, e de hungry you to chop-am, na so e still be when you first look pictures wey dey any article, because e go make-am hungry you to want read-am. So before you start to read any article, ask yourself say: ‘Which pictures I de see?’—Amos 7:7, 8.

• As you de read the article, think about wetin you fit learn from the pictures wey dey there. Read wetin them write about the picture and if them write other things about the picture, still read-am. Think about how the picture connect with the paragraph or article wey you de read and how you fit practice wetin you de learn from the picture.

• After you read the article finish, look the pictures again to help you remember the important things wey you don learn from the article. Then close your eyes and try to remember the pictures and wetin you learn from them.

• Look the pictures wey dey this magazine and see if you fit remember the things wey you learn.