6 Million People Don Die Because of COVID-19—Wetin Bible Talk?

As World Health Organization (WHO) talk, as at May 23, 2022, 6.27 million people don die from COVID-19 sickness. But from one news wey they publish for May 5, 2022, WHO talk say the number of people wey die plenty pass that one by far. The news talk say for year 2020 and 2021, “the people wey don die from COVID-19 and other problems wey COVID-19 cause, reach about 14.9 million people. Bible talk anything about this kind serious problem?

Bible don talk about serious sickness wey go de spread

•  Jesus don talk about different-different serious sickness wey go de spread for the time wey Bible call “last days.”—Luke 21:11; 2 Timothy 3:1.

This thing wey Jesus talk de happen for this our time. To learn more, read the article “What Is the Sign of ‘the Last Days,’ or ‘End Times’?“

Bible de make our mind come down

•  “God wey de make our mind come down . . . de comfort us anytime wey we get problem.”—2 Corinthians 1:3, 4.

Bible don make the mind of plenty people wey their person don die come down. Learn more from the article, “Coping With Grief—What You Can Do Today“ and “The Best Help for Those Who Grieve.”

Bible talk about how God go solve the problem forever

•  “Make your Kingdom come. Make the thing wey you want, happen for this earth as e dey for heaven.”—Matthew 6:10.

Soon “the Kingdom of God” go do something so that “nobody . . . go talk say: ‘I de sick.’” (Mark 1:14, 15; Isaiah 33:24) To know more about this governent wey dey for heaven and wetin e go do, watch the video Wetin Be the Kingdom of God?

We de invite you make you learn about wetin Bible de teach so that you and your family people fit gain from the better advice from Bible and the wonderful promise wey God don make.