Shooting Wey De Happen for School—Wetin Bible Talk?

For May 24, 2022, one wicked thing happen for Uvalde, one small town for Texas, U.S.A. The New York Times newspaper talk say, ‘one man carry gun enter Robb Elementary School and kill 19 children and two teacher.’

The sad thing be say, this things wey de make people fear de happen well-well. USA Today newspaper talk say for only the United States, “na about 249 times they shoot for school compound last year. This one pass all the shooting wey fit don happen since the year 1970.”

Why this wicked things de happen? How we fit cope as all this wicked things de happen? E get any reason to believe say this bad-bad things go end? Bible don help us answer this questions.

Why this world de bad more-more?

• Bible describe this our time as “last days” wey many people no go get “love” and they go “really wicked.” This kind people go de kill and put fear for people mind. Bible still talk say this kind people go “de bad more-more.” (2 Timothy 3:1-5, 13) If you go like learn more, read the article “Did the Bible Predict the Way People Think and Act Today?”

Plenty people de ask say, ‘Why God no de stop wicked things like shooting wey de happen for school?’ If you want see how Bible answer this question, you fit read the article “Bad Things Happen to Good People—Why?”

How we fit endure this bad-bad things?

• “Because all the things wey they write before our time na to teach us so that as we . . .de get comfort from Scriptures, we fit get hope.”—Romans 15:4.

Advice for Bible fit help you endure for this world wey people de fight well-well. If you want read more about this one, you fit check the Awake! magazine wey get the topic, “Will Violence Ever End?”

If you want know how papa and mama fit help their children make they fit endure this kind news wey de make people fear, you fit read the article “Disturbing News Reports and Your Children.”

Wicked things go ever end?

• “E go save them from bad and wicked people.”—Psalm 72:14.

• “They go turn their swords to farm tools. And their spears to pruning tools. Nation no go fight against nation again, and they no go learn war again.”—Micah 4:3.

God go do wetin people no fit do. God Kingdom wey go rule from heaven go destroy all the things wey them de use fight. If you want learn more about wetin the Kingdom of God go do, you fit read the article, “Under God’s Kingdom ‘Peace Will Abound.’ ”