People Wey De Feel Say Them Dey Alone De Plenty More-More​— Wetin Bible Talk

For one research wey never tey wey them do for the whole world,a them talk say out of four people, one person de feel say e dey alone.

• “Anywhere wey person dey, whether e young or old, e dey possible make e no get any friend or de do things with other people.”​—Chido Mpemba, cochair of the World Health Organization’s Commission on Social Connection.

Plenty People de think say na old people and people wey only them dey, de feel say them dey alone. But the truth be say, people wey dey young, wey their body still dey strong, wey get money, and wey don marry fit de feel alone. When person no get friend and no de do things with other people and e dey alone, e fit affect-am for body and mind.

• “To feel say you dey alone pass just to feel bad,” this na wetin Dr. Vivek Murthy, U.S. surgeon general talk. E still talk say: “When person no get friend or person wey e de do things with, e fit kill-am the same way wey to smoke 15 cigar for one day fit kill person.”

Wetin Bible talk

Person Wey Make us want make we get friends and do things with other people. Wetin God get for mind na make we get friends wey good and wey go make us happy.

• Bible advice: “Jehovah talk say: ‘E no good make the man continue to dey alone.’”​—Genesis 2:18.

God want make we be im friend. E promise say e go come near us if we try come near-am.​—James 4:8.

• Bible advice: “People wey know say them need God for their life go happy, because the Kingdom wey dey heaven na for them.”​—Matthew 5:3.

God want make we de worship-am with other people. When we do this one, e go help our mind come down.

• Bible advice: “Make we de really think about one another, so that we go fit encourage one another to show love and do fine work, . . . but make we de encourage one another.”​—Hebrews 10:24, 25.

To learn more about wetin we fit do make we no de feel say we dey alone, read the article “Loneliness in a World of Mass Connection.”