Social Media De Affect Your Pikin for Bad Way?​—How Bible Fit Help Papa and Mama

Dr. Vivek Murthy, U.S. surgeon general, talk say: “Young people de really face serious problem for the way them de think and do things and we don see say na social media be the main thing wey de cause-am.”​—New York Times, June 17, 2024.

How papa and mama fit protect their children from the danger wey social media de cause? Bible give better advise.

Wetin papa and mama fit do

See some Bible advise.

“Wise person de think well before e do something.”​—Proverbs 14:⁠15.

No feel say your pikin must use social media because e de cause problem for young people. Before you allow your pikin to use social media, make sure say e don mature reach to control the time wey e de spend for social media, get better friends, and run from bad things for internet.

• To learn more, read the articles “Make I Allow My Pikin Use Social Media?” and “De Teach Your Children How to Use Social Media Well.”

“Make una de use una time well.”​—Ephesians 5:⁠16.

If you allow your pikin use social media, give-am rules wey e go follow and explain how the rules go help and protect-am. De watch your pikin to see if e character de change to know if you go reduce the time wey e de spend for social media.

• Use the whiteboard cartoon Use Internet With Sense to help your pikin understand why e good to control the time wey we de spend for social media.

Learn more things

Bible talk say we de living for “serious hard time wey no go dey easy to handle.” (2 Timothy 3:​1-5) And Bible still de give us better advise wey fit help us cope. E pass 20 different-different articles about how young people de think, feel and do things, wey fit help papa and mama and their children. You go see them for jw.org and JW Library.