Who You Fit Trust?​—Wetin Bible Talk?

People no de happy when people wey them suppose trust disappoint them. Many people don stop to trust . . .

• leaders for politics wey de do things wey go benefit theirself instead of people wey them de rule.

• news report wey no de talk exactly how things happen and wetin really happen.

• science people wey no de do wetin go make things better for people.

• leaders for religion wey de really put body for politics and de support one side, instead make them de represent God.

People really need to dey careful about who them de trust. Bible warn say:

• ‘No put your trust for human leaders; no human being fit save you.’​—Psalm 146:​3, Good News Translation.

Peson wey you fit trust

 Bible talk say Jesus Christ na person wey you fit trust. Jesus no be just one good man wey live for this earth plenty-plenty years ago. God don choose Jesus to ‘rule as King, and im Kingdom no go end.’ (Luke 1:​32, 33) Jesus na King of God Kingdom and im government de rule now from heaven.​—Matthew 6:⁠10.

• To learn why you fit trust Jesus, read the articles “Who Is the King of God’s Kingdom?” and “What Will God’s Kingdom Accomplish?”