Footnote

c People wey sabi Bible matter talk say the men don make promise to God as Nazirites. (Num. 6:​1-21) Na true say, this kind promise na part of things wey dey under the Law of Moses wey don end. Even with that one, Paul fit don think say e no bad if the men want do wetin them don promise Jehovah. So, e no bad if e pay for the things wey them need and follow them go. We no know exactly the kind promise wey this men make, but no matter wetin e be, we know say Paul no go support them to sacrifice animal so that God go forgive their sins, as Nazirites de do. After Jesus give im perfect life as sacrifice, animal sacrifice no fit comot sin again. We know say Paul no go do anything wey go worry im conscience.