SONG 75
God Abeg Send Me!
(Isaiah 6:8)
1. Some people talk say God no dey.
Some even de ask “where e dey?”
Them spoil im name, them say e bad,
Say God no care as things de hard.
Na who go preach to clear the blame?
Who fit come sing to praise im name?
(CHORUS 1)
‘My God, see me for here! Send me!
Na all my heart I use de sing.
I don ready to do as you want,
God abeg, send me, send me!’
2. Some people de serve other gods,
E get some wey them say God slow,
Some no de fear say God de see
say wetin them de do na sin.
Na who go warn them make them stop,
Say Armageddon time de come?
(CHORUS 2)
‘My God, see me for here! Send me!
I no go fear to warn them well.
I don ready to do as you want,
God abeg, send me, send me!’
3. As bad things full this wicked world,
Some people just de cry to God,
Because them don de try to find
Truth wey fit give them peace of mind.
Na who go teach them make them see
Say truth from God go make them free?
(CHORUS 3)
‘My God, see me for here! Send me!
Yes I go sofri teach them well.
I don ready to do as you want,
God abeg, send me, send me!’
(Still check Ps. 10:4; Ezek. 9:4.)