Bible Na Fine Book From God

1. E get one book wey God de use de guide us,

To give us hope and peace of mind today.

This book go fit help people get the best life,

E fit help people change if them obey.

The name of this book na the Holy Bible.

Jehovah use good people write the book.

The things them write show say them love Jehovah

Because na im spirit help them write-am.

2. This book de help us learn about Jehovah,

And how e make the heaven and the earth.

This book still show how life for Paradise be,

And all wetin make this world be like this.

Na Bible tell us the things wey don happen

The time wey Satan talk say God de lie.

Na this challenge cause trouble and this suffer,

But Bible talk say na small time remain.

3. The time don reach to sing and praise Jehovah,

For heaven Jesus don de rule as king.

So make we preach and teach about the Kingdom,

And all the blessing Paradise go bring.

Plenty things dey wey we go gain from Bible,

Na all this fine things wey we really need.

Na them go fit help us de serve Jehovah.

Bible na the best book wey we fit read.