Question Wey Some People Don Ask

If e happen say man and woman wey they no be husband and wife sleep for the same house, and they no get any good reason, na sin wey elders go form committee to judge the matter?

Yes, if they no get any good reason to sleep for the same house alone, and strong proof dey say they don put hand for sex matter wey God hate. So the body of elders go form committee to judge the matter.​—1 Cor. 6:18.

The body of elders go really check the condition whether they go form committee to judge the matter. This one na because each situation dey different. For example: Before this time, two of them like each other, or get-am for mind to marry? Elders don correct them before about the way them de behave with each other? Wetin happen wey e make them sleep for the same house? They plan-am? Other things dey wey they for fit do make they no sleep for the same house? Or, something happen wey they no fit control, like something wey they no expect? (Eccl. 9:11) Which place they sleep? Because each situation dey different, other things fit dey wey the elders go think about.

After the elders don know everything, they go decide whether they suppose to form committee to judge the matter.