SONG 142
Our Hope De Help Us Endure
1. Problem for this world just de make people tire.
Man fit de try, but their power no fit reach.
Things just de worse, see as people de suffer.
No man fit save us and e dey clear.
(CHORUS)
Use all your voice sing this song from your heart.
Because we go enter the Kingdom of God.
Fear and cry-cry and suffer go comot.
This hope go de help us endure reach the end.
2. Good news of God Kingdom don de reach the whole world.
Make we no tire as we endure this world.
Jesus our King go soon end all the problem.
So make we praise God and sing this song.
(CHORUS)
Use all your voice sing this song from your heart.
Because we go enter the Kingdom of God.
Fear and cry-cry and suffer go comot.
This hope go de help us endure reach the end.
(Still check Ps. 27:14; Eccl. 1:14; Joel 2:1; Hab. 1:2, 3; Rom. 8:22.)