STUDY 13

Make People See How Wetin You De Talk Affect Them

Proverbs 3:21

WETIN YOU NEED TO DO: Help people to understand how wetin you de teach affect their life and show wetin them go do with wetin them don learn.

Think about the people wey you de talk to. Think about why the people wey you de talk to need to hear wetin you de talk, and wetin go help them.
For all the time wey you de talk, show people wetin them need to do. As you de start, make each person wey you de talk to feel say ‘this information na for me.’ As you de talk about each main point, show how the point affect them. No just de talk things in general, try dey specific.

When you de show them how the advice for Bible fit help them, do-am with love. No de make them feel bad with the way you de give Bible advice. Instead, try make their love and faith for God strong and move them to do the right thing.