STUDY 1

Correct Introduction

Acts 17:22

WETIN YOU NEED TO DO: For your introduction, help people to get interest for wetin you want talk, make them know wetin you want talk about and show them why e dey important for them.

HOW TO DO-AM:

Make people to get interest for wetin you want talk. Choose one question, statement or one true-life story, or something for news wey people go like to talk about.

When you de prepare, think about wetin people de like and wetin them de think. Then, use-am for your introduction.
Make them know wetin you want talk about. Make sure say wetin you want talk about and the reason why you want talk about-am dey clear for your introduction.
Show why wetin you want talk about dey important. Talk wetin go concern the people wey you de talk to. Make them see how wetin you de talk fit help them.

When you de prepare talk, ask yourself say: ‘Which condition brothers and sisters for my congregation de face?’ Then use introduction wey e fit their condition.