STUDY 7

Talk Wetin Dey True and Help People Believe-Am

Luke 1:3

WETIN YOU NEED TO DO: Use proof from source wey people trust to help the people understand the correct thing.

Find and use information from source wey people fit trust. Use Bible as your source. If e dey possible, read direct from Bible. When you de use science, news, or other proof to support your point, check when you de prepare to dey sure say people fit trust the source and na the latest information e be.
Use source of information well. Use the information around the scripture, the general message of the Bible, and wetin the ‘faithful slave’ don talk to explain the scripture. (Matt. 24:45) If you go use any other source, use-am the correct way. No change wetin the writer talk.

No over talk or add something to wetin the source don already talk. Dey careful make you no change words like “some people” to “plenty people,” “sometimes” to “always” and “e fit dey possible” to “e dey possible.”
Reason the proof with people. After you read any scripture or mention any source, ask question or give illustration to help the people reason and get the point by theirself.