“All People for the Earth That Time De Speak One Language”

11:1-4, 6-9

For Babel, Jehovah confuse the language wey people de speak that time. Why? Because the people want do wetin Jehovah no want. So this one make them scatter go different-different part of the earth. Today, Jehovah de gather plenty people wey de speak different-different language, from all part of the earth. E de teach them new language wey Bible call “pure language.” E de do this one, so that ‘all of them go de call the name of Jehovah and de worship Jehovah as one people.’ (Zep 3:9; Re 7:9) This “pure language” na the truth about Jehovah and the things wey Jehovah want do as e dey for Bible.

To learn new language no be just to master new word. Person wey de learn new language go learn how to think for new way. Na the same thing too de happen as we de learn this “pure language.” The way we de think, de change. (Ro 12:2) As all people wey de serve Jehovah de change how them de think to fine one, this one de help them dey as one.​—1Co 1:10.