STUDY 4

Introduce Scriptures Well

Matthew 22:41-45

WETIN YOU NEED TO DO: Before you read scripture to people, prepare their mind.

Think about why you want read the scripture. Introduce any scripture for the way wey e go help people to see the main point wey you want talk about for the verse.

Know wetin other verses around the verse wey you want read de talk about. If you want introduce Bible, mention the right person wey e de talk for that verse or the right person wey e write the Bible book.
Use Bible as your authority. If the people wey you de talk to believe in God, help them to see say Bible na the Word of God. This one go show say na the sense wey Bible de give better pass.
Help people get interest for the scripture. Ask question wey Bible go answer, mention problem wey Bible go help solve, or mention something wey Bible go help them understand.

Think of wetin people don already know about the topic and the scripture. Introduce scripture wey people don already know for the way wey e go help them think about-am again, or understand-am more or understand-am for another way.