STUDY 16

Talk Wetin Go Encourage and Help People

Job 16:5

WETIN YOU NEED TO DO: No over talk about problem, talk more about the solution and wetin go make people feel calm.

Get trust for people wey you de talk to. Trust your brothers and sisters because they love Jehovah and really want serve Jehovah. If you want correct them for wetin they no do well, first praise them for wetin them do well.

Make love de move you to talk, no be vex. De always smile, e go help you dey close with people and they go really feel-am say you de understand them.
No over talk wetin go make people feel bad. If your topic get some points wey they fit make people sad, talk only small about this things if e really dey important to talk about them. Make your talk focus on wetin go really help people feel good.
Use Bible well. Mention the better things wey Jehovah don do, wetin e de do now and the one wey e go still do for future. Help them to get hope and strong heart as them de listen to your talk.