See Yourself for Paradise

1. If you fit see where I de see.

Jehovah don show us how e go be.

For Paradise wey e go bring,

That na the time wey we go dey free.

We no go sick, cry no go dey.

Our life go sweet if we just obey.

Na small time remain, Paradise go soon come,

And this na why we de pray

make God Kingdom come.

2. Just use your mind see me and you,

De laugh and smile with correct work to do.

No bad people go make us fear,

Because good people full ev’rywhere.

We no go fear say we go die.

Nothing like death go de make us cry.

People wey them dey inside grave go come back,

And them go join us praise God

when e bring them back.