God Na Trinity?

The answer wey Bible give

Plenty churches de teach say God na Trinity. But make we see wetin Encyclopædia Britannica talk about this one. E talk say: “The word Trinity or the teaching say God na three in one, no dey for the New Testament . . . The teaching start small-small many years ago and e continue to spread. And many arguments don dey because of this teaching.”

In fact, no place for Bible ever talk say the God wey get Bible na part of Trinity. See wetin some Bible portion talk:

“Jehovah our God na one Jehovah.”​—Deuteronomy 6:⁠4.

“You wey your name na Jehovah, na only you Big Pass for the whole earth.”​—Psalm 83:18.

“To get life wey no go end, them need to know you, the only true God and the person wey you send come wey be Jesus Christ.”​—John 17:⁠3.

‘God na only one.’​—Galatians 3:⁠20.

Why plenty church de talk say God na Trinity?