Job

1 E get one man wey de stay for the land of Uz. Im name na Job. Na good man wey stand well for God side. E de fear God and e hate wetin bad. 2 Na seven sons and three daughters e born. 4 Each of e sons go do party for e own house for the day wey e choose, Them de invite their three sisters come join them eat and drink. 6 And the day come when the sons of the true God enter to stand for front of Jehovah, and Satan too enter among them. 8 So Jehovah tell Satan say: “You don see my servant Job? Nobody dey like Job for the earth, e good, e de fear God, and e no de put hand for bad thing.” 9 And Satan answer Jehovah say: “Na for nothing wey Job de fear God? 10 No be you put fence wey de protect Job, e house and all the things wey e get? You don bless the work wey e de do, and e animals don plenty for the whole land. 11 But, make things change, stretch your hand, destroy everything wey e get, and see if e no go curse you for your front.” 13 Now for the day wey e sons and daughters de eat and drink wine for their senior brother house, 16 E never even talk finish when another person come talk say: “Fire from God come from heaven and fall for where the sheep and the servants dey and burn them! Na only me escape to come tell you.” 18 E never even talk finish when another person come and talk say: “Your sons and your daughters de eat and drink wine for their senior brother house. 19 Na so one heavy breeze come from wilderness, and e blow the four side of the house and the house fall ontop the young people and kill them. Na only me escape to come tell you.” 21 and e talk say: “I naked come out from my mama belle, and I go naked go. Na Jehovah don give and na Jehovah still take-am. Make they continue to praise the name of Jehovah.” 22 As all this things de happen, Job no sin, and e no talk say God don do thing wey no correct.