Jeremiah

5 “Before I form you for inside belle, I know you, and before they born you, I don make you holy. I make you prophet to the nations.” 6 But I talk say: “Abeg Jehovah the God wey high pass! I no know how to talk, because I be small boy.” 7 Then Jehovah tell me say: “No talk say, ‘I be small boy’. You must go to all the people wey I send you to. And you go tell them everything wey I don command you. 8 Make you no fear them because of how them be. ‘I dey with you to save you,’ na wetin Jehovah talk be that. 9 Jehovah come stretch e hand and touch my mouth. And Jehovah tell me say: “I don put my word inside your mouth. 18 I don make you be like city wey them de protect, like iron pillar, and copper wall against all the people for the land, against the kings of Judah and the people wey de lead them, against their priest and the people wey dey the land. 19 And they go surely fight against you, but they no go win you. Because ‘I dey with you, to save you,’ na so Jehovah talk.”