Numbers
1 And Jehovah talk to Moses for the wilderness of Si′nai, for inside the tent of meeting, for the first day of the second month, for the second year wey them come out from the land of Egypt. E talk say: 2 “Register everybody for Israel* one by one* according to their families, according to their family groups from their papa side, according to the names of all the men wey una count. 3 You and Aaron go register them according to their groups,* all the people from 20 years go up wey fit serve for army for Israel.
4 “Take one man from each tribe with una; each of them go be head of im family group from im papa side. 5 Na the names of the men wey go stand with una be this: from the family of Reu′ben, E·li′zur the son of Shed′e·ur; 6 from the family of Sim′e·on, She·lu′mi·el the son of Zu·ri·shad′dai; 7 from the family of Judah, Nah′shon the son of Am·min′a·dab; 8 from the family of Is′sa·char, Ne·than′el the son of Zu′ar; 9 from the family of Zeb′u·lun, E·li′ab the son of He′lon; 10 from the sons of Joseph: from the family of E′phra·im, E·lish′a·ma the son of Am·mi′hud; from the family of Ma·nas′seh, Ga·ma′li·el the son of Pe·dah′zur; 11 from the family of Benjamin, Ab′i·dan the son of Gid·e·o′ni; 12 from the family of Dan, A·hi·e′zer the son of Am·mi·shad′dai; 13 from the family of Ash′er, Pa′gi·el the son of Och′ran; 14 from the family of Gad, E·li′a·saph the son of Deu′el; 15 from the family of Naph′ta·li, A·hi′ra the son of E′nan. 16 Na this ones them choose from among the people. Them be chiefs of the tribes of their papa them, the heads of the thousands of Israel people.”
17 So Moses and Aaron take this men wey them don choose according to their name. 18 Them gather all the people for the first day of the second month, so that them fit register them one by one according to their name, according to their family, and according to their family groups from their papa side, from 20 years go up, 19 just as Jehovah don command Moses. So e register them for the wilderness of Si′nai.
20 Them list the sons of Reu′ben, the children-children of Israel firstborn, according to their name, according to their family, and according to their family groups from their papa side. Them count all the men one by one, from 20 years go up, wey fit serve for army, 21 and the number wey them register from the tribe of Reu′ben na 46,500.
22 Them list the children-children of Sim′e·on according to their name, according to their family, and according to their family groups from their papa side. Them count all the men one by one, from 20 years go up wey fit serve for army, 23 and the number wey them register from the tribe of Sim′e·on na 59,300.
24 Them list the children-children of Gad according to their name, according to their family, and according to their family groups from their papa side. Them count all the men from 20 years go up wey fit serve for army, 25 and the number wey them register from the tribe of Gad na 45,650.
26 Them list the children-children of Judah according to their name, according to their family, and according to their family groups from their papa side. Them count all the men from 20 years go up, wey fit serve for army, 27 and the number wey them register from the tribe of Judah na 74,600.
28 Them list the children-children of Is′sa·char according to their name, according to their family, and according to their family groups from their papa side. Them count all the men from 20 years go up, wey fit serve for army, 29 and the number wey them register from the tribe of Is′sa·char na 54,400.
30 Them list the children-children of Zeb′u·lun according to their name, according to their family, and according to their family groups from their papa side. Them count all the men from 20 years go up, wey fit serve for army, 31 and the number wey them register from the tribe of Zeb′u·lun na 57,400.
32 Them list the children-children of Joseph through E′phra·im according to their name, according to their family, and according to their family groups from their papa side. Them count all the men from 20 years go up, wey fit serve for army, 33 and the number wey them register from the tribe of E′phra·im na 40,500.
34 Them list the children-children of Ma·nas′seh according to their name, according to their family, and according to their family groups from their papa side. Them count all the men from 20 years go up, wey fit serve for army, 35 and the number wey them register from the tribe of Ma·nas′seh na 32,200.
36 Them list the children-children of Benjamin according to their name, according to their family, and according to their family groups from their papa side. Them count all the men from 20 years go up, wey fit serve for army, 37 and the number wey them register from the tribe of Benjamin na 35,400.
38 Them list the children-children of Dan according to their name, according to their family, and according to their family groups from their papa side. Them count all the men from 20 years go up, wey fit serve for army, 39 and the number wey them register from the tribe of Dan na 62,700.
40 Them count the children-children of Ash′er according to their name, according to their family, and according to their family groups from their papa side. Them count all the men from 20 years go up, wey fit serve for army, 41 and the number wey them register from the tribe of Ash′er na 41,500.
42 Them list the children-children of Naph′ta·li according to their name, according to their family, and according to their family groups from their papa side. Them count all the men from 20 years go up, wey fit serve for army, 43 and the number wey them register from the tribe of Naph′ta·li na 53,400.
44 Na this ones Moses together with Aaron and the 12 chiefs of Israel register, each of them represent im family group from im papa side. 45 Them register all Israel people according to their family group from their papa side, from 20 years go up wey fit serve for army for Israel, 46 and all the number wey them register na 603,550.
47 But them no register the Levites wey dey among them according to the tribe of their papa them. 48 So Jehovah tell Moses say: 49 “Na only the tribe of Le′vi you no go register, and make you no add their number together with the other Israel people. 50 Make you choose Levites wey go dey in charge of the tabernacle of the Testimony, and all the things wey dey inside and everything wey concern the tabernacle. Them go carry the tabernacle and all the things wey dey inside and them go de work for the tabernacle, and them go put their camp around the tabernacle. 51 Anytime wey them want move the tabernacle, the Levites go bring-am down, and when them want arrange the tabernacle back, the Levites go set-am, and anybody wey no get the right* wey come near, make them kill-am.
52 “Each Israel person go put im tent for the place wey them don give-am for the camp, each man go dey for im group* of three tribes according to their groups.* 53 And the Levites go put their camp around the tabernacle of the Testimony, so that I no go vex for all Israel people, and the Levites must care for* the tabernacle of the Testimony as their work.”
54 The people of Israel do all the things wey Jehovah don command Moses. Na so them just do.