PART 9

Which Time Paradise Go Come?

The bad things wey de happen today, show say small time, the Kingdom of God go come. Luke 21:10, 11; 2 Timothy 3:1-5

Bad things wey de happen for our time—people de gamble, war, disease, food shortage, children no de obey papa and mama, and husband de beat e wife

Bible don talk-am since say plenty of the things wey de happen today, go happen. E talk say people go over-like money, over-like enjoyment, really wicked and pikin no go de obey papa and mama.

E still talk say serious earthquake, war, different-different kind of sickness, and hunger go dey. And we de see all this things today.

One Jehovah Witness man de preach the good news of the Kingdom to another man

Jesus talk again say e disciples go preach the good news of the Kingdom for every place for this earth.—Matthew 24:14.

The Kingdom go remove all wickedness. 2 Peter 3:13

Jehovah go destroy wicked people for Armageddon, and e go still destroy Satan and e demons

Small time, Jehovah go destroy wicked people.

Jehovah go destroy Satan and the demons.

Jesus sitdown for e throne for heaven and people from different-different place de over-glad

People wey obey God go survive. They go live for paradise for this earth. And that time, peace go de everywhere, people no go de fear, and they go trust and love each other.