LESSON 04
Who Be God?
From the time wey people start to live for this earth, they don worship different-different gods. But Bible talk about one God say e “big pass all the other gods.” (2 Chronicles 2:5) Who be this God? And wetin make this God big pass all the other gods wey people de worship? For this lesson, you go learn wetin this God want make you know about e self.
1. Wetin be the name of God, and how we fit dey sure say God want make we know e name?
For Bible, God tell us e name. E talk say: “I be Jehovah. Na my name be that.” (Read Isaiah 42:5, 8.) According to plenty people wey de study about Bible, the Hebrew name wey they translate as “Jehovah” mean “E De Make to Become.” Jehovah want make we know e name. (Exodus 3:15) How we fit really dey sure say Jehovah want make we know e name? The name of God dey inside Bible pass 7,000 times!a The name Jehovah, na the name of “the true God for heaven and for the earth.”—Deuteronomy 4:39.
2. Wetin Bible tell us about Jehovah?
Bible talk say among all the gods wey people de worship, na only Jehovah be the true God. Why? Plenty reasons dey. Na Jehovah high pass and na only Jehovah “big pass for the whole earth.” (Read Psalm 83:18.) Jehovah na “the Almighty,” that one mean say e get power to do anything wey e want do. Na Jehovah “make everything”—the heaven and all the life for this earth. (Revelation 4:8, 11) Na only Jehovah no get beginning and e no go ever get end.—Psalm 90:2.
LEARN MORE THINGS
Learn more about how the name of God dey different from e titles. Still learn how and why God don show e name to you.
3. God get plenty titles, but e get only one name
To see how the title wey person get dey different from e name, play the VIDEO, and talk about the question for under.
Wetin make title like “Lord,” dey different from name?
Bible talk say people de worship plenty gods and lords. Read Psalm 136:1-3, and talk about this question:
Who be “the God of gods” and “the Lord of lords”?
4. Jehovah want make you know e name and use-am
Wetin show say Jehovah want make you know e name? Play the VIDEO, and talk about the question for under.
Why you think say Jehovah want make people know e name?
Jehovah want make people use e name. Read Romans 10:13, and talk about this questions:
Why e dey important to use the name of God, Jehovah?
How you de feel when person remember your name and use-am?
How you think say Jehovah go feel when you use e name?
5. Jehovah want make you be e friend
One woman from Cambodia wey e name na Soten talk say “the time wey I happy pass, na when I learn about the name of God.” Play the VIDEO, and talk about the question for under.
From the video, how Soten feel when e learn about the name of God?
Before you go be friend of somebody, you go need to learn about the name of the person. Read James 4:8a, and talk about this questions:
Wetin Jehovah want make you do?
If you know the name of God and de use-am, how this one fit make you near God?
SOME PEOPLE DE TALK SAY: “Na only one God dey, so e no matter wetin you de call God.”
You believe say Jehovah na the name of God?
How you fit explain say God want make you de use e name?
WETIN THIS LESSON TEACH
Jehovah na the only true God. E want make we know that name and make we use-am so that we go be e friend.
Wetin You Don Learn
How Jehovah dey different from the other gods wey people de worship?
Why e good make we de use the name of God?
Wetin show say Jehovah want make you be e friend?
LEARN OTHER THINGS
Check five reasons why we fit dey sure say God dey.
Why e make sense to believe say God don always dey?
Learn why e good make we de use the name of God, even if we no really know how them de pronounce-am before-before.
Wetin we de call God dey important? See why we dey sure say God get just one name.
a If you want know more about the meaning of the name of God and why they don remove the name from some Bibles, check Appendix A4 for New World Translation of the Holy Scriptures.