Watchtower ONLINE LIBRARY
Watchtower
ONLINE LIBRARY
Pidgin (West Africa)
  • BIBLE
  • PUBLICATIONS
  • MEETINGS
  • w18 October p. 32
  • You Know?

Video no dey for wetin you select.

Sorry, the video no go fit play.

  • You Know?
  • Watchtower Wey E De Announce Jehovah’s Kingdom (Study)—2018
  • Other Materials Like This One
  • Stephen “Receive Plenty Favor and Power From God”
    De “Preach Well About the Kingdom of God”
  • “We Must Obey God as Ruler Instead of People”
    De “Preach Well About the Kingdom of God”
Watchtower Wey E De Announce Jehovah’s Kingdom (Study)—2018
w18 October p. 32

You Know?

When them de suffer Stephen the disciple, how manage e no fear at all?

Stephen no fear when e stand for front of the Sanhedrin

STEPHEN stand for front of some men wey they no de pity for person. This men na members for the highest court for Israel, wey them de call the Sanhedrin. This court get 71 judge and this men dey among the people wey they get power pass for the country. Na High Priest Caiaphas call them together. Some months ago, this same court judge and charge Jesus to death, and na Caiaphas be the oga for that case. (Matt. 26:57, 59; Acts 6:8-12) But as them de bring people one by one to come lie against Stephen, they notice something wey e surprise them. The thing be say the face of Stephen “be like the face of angel.”​—Acts 6:13-15.

How manage Stephen no fear, and e just relax for that kind condition wey e fit make person fear? Before they drag Stephen go Sanhedrin, e de do one special work with all e power, and na God’s spirit help for the work. (Acts 6:3-7) That same spirit help Stephen when them de judge e case. The spirit comfort and help Stephen to remember things wey e know before. (John 14:16, ftn.) Stephen no fear to defend e self and wetin e talk dey Acts chapter 7. Holy spirit help Stephen remember about 20 place for Bible, or e fit even pass. (John 14:26) But, when holy spirit help Stephen see vision of Jesus as e stand for the right hand of God, e faith strong more-more.​—Acts 7:54-56, 59, 60.

People fit threaten and suffer us one day. (John 15:20) If e happen to us, make we allow God’s spirit work for our life. This one fit happen when we de study Bible everytime, and we de use our whole heart do the preaching work. This one go give us power to face any trouble and still get peace of mind.​—1 Pet. 4:12-14.

    Publication for Pidgin (West Africa) (2017-2026)
    Log Out
    Log In
    • Pidgin (West Africa)
    • Share
    • How You Want-Am
    • Copyright © 2025 Watch Tower Bible and Tract Society of Pennsylvania
    • Wetin You Go Do and Wetin You No Go Do If You Want Use This Website
    • How We De Handle Information for This Website
    • Privacy Settings
    • JW.ORG
    • Log In
    Share