How You Fit De Remember Bible Verses

E de hard you to remember some Bible verses or some things wey you read for the verse or where e dey for Bible? E fit be the ones wey de make your mind come down, help you to stop think bad thing, or wey you go like share with person? (Ps. 119:​11, 111) See some things wey fit help you de remember Bible verses.

• Use ‘tag’ wey dey for JW Library^® app. When you de read Bible and you read one place wey you go like remember, you fit use tag save-am so that you go fit remember-am later.a

• Put the Bible verse for where you fit quick see-am. Write the Bible verse wey you go like remember for paper, and put-am for where you go de quick see-am. Some people de put-am for their mirror, and other people de put-am for their fridge door. And some other people de snap the picture of the verse and use-am as screen saver for their phone or computer.

• You Fit Make Card and Use-am. Write the Bible verse for one side of the card and for the other side, write wetin the verse talk. Then as you de look the side wey get the Bible verse, try talk wetin the verse talk. Or try remember the Bible verse as you de look the side wey get wetin the verse talk.