15 Neʼe ui leva e Falaone kia Sosefo: “Neʼe au fai taku moemisi, kae neʼe mole feala ke fakamahino mai e he tahi. Pea neʼe ui mai, ʼe feala ke ke fakamahino he moemisi ʼa he tahi moka ina fakamatala atu.”+ 16 Neʼe tali age e Sosefo kia Falaone: “Siʼi Falaone, ʼe mole ko au ia! Kae ʼe ko te ʼAtua ʼae ka ina fakaha atu he logo lelei.”+

28 Kae, Hau ko Nepukanesa, ʼe ʼi ai te ʼAtua ʼi te lagi ʼe ina fakaha te ʼu meʼa fakalilo.+ Pea kua ina fakaha atu te ʼu meʼa ʼae ka hoko ʼi te ʼu ʼaho fakamuli. Koʼeni tau moemisi pea mo te ʼu meʼa ʼae neʼe ha kia koe ʼi tau takoto ʼi tou moeʼaga:

45 ʼE hoko anai te ʼu aluʼaga fuli ʼaia koteʼuhi neʼe ke sio ki te mataʼaki mai ʼo he foʼi maka mai te moʼuga, kae neʼe mole fai te faʼahi ʼaia e he tagata.* Pea neʼe ke toe sio ki te laliki e te foʼi maka te ukamea, mo te kapa, mo te kele, mo te siliva pea mo te aulo.+ Siʼomatou hau, neʼe fakaha atu e te ʼAtua Lahi te ʼu meʼa ʼae ka hoko.+ ʼEi, ʼe hoko moʼoni anai tau moemisi pea ʼe tuha mo te falala tona fakamahino.”